Cynulliad Cenedlaethol Cymru |
National Assembly for Wales |
Bil Awtistiaeth (Cymru) drafft |
Draft Autism (Wales) Bill |
Llythyr Ymgynghori DAB43 |
Consultation Letter DAB43 |
Ymateb gan xxx |
Evidence from Monmouthshire County Council |
Cyfeiriwch at y cwestiynau yn y Llythyr Ymgynghori.
Cwestiwn |
Ymateb |
01 |
Rydym yn cytuno y dylai diffiniad o anhwylder sbectrwm awtistig ymddangos ar wyneb y Bil |
02 |
Rydym yn bryderus y gallai cynnwys anhwylderau niwroddatblygiadol wanhau'r ffocws ar ASD. Fodd bynnag, sylweddolwn y gall pobl gydag ASD fod â chydafiachedd atodol sy'n aml yn niwroddatblygiadol ei natur. Mae angen proffil, cefnogaeth briodol ac adnoddau ar gyfer yr anhwylderau hyn (byddem yn dymuno cynnwys cyflwr Tourette o fewn hyn). |
03 |
Teimlwn y cafodd y cyrff perthnasol eu cynnwys. Mae angen i'r holl gyrff sy'n effeithio ar fywydau pobl gyda ASD gydweithio gyda ffocws ar yr unigolyn. Caiff y ffordd yma o weithio ei ddangos gan y Bwrdd Gwasanaethau Cyhoeddus. Mae angen i ni nodi rolau ac ystyried os y gellid defnyddio Byrddau Gwasanaethau Cyhoeddus unigol i ddal asiantaethau i gyfrif ar lefel leol. |
04 |
Byddem yn rhagweld ac yn disgwyl y byddai cyrff perthnasol yn barod iawn i gydweithio i gyflwyno'r strategaeth awtistiaeth; dylid caniatau iddynt gyflwyno'r strategaeth yn ôl eu hanghenion. Rôl Gweinidogion Cymru fyddai darparu craffu a gweithredu ar anghysondebau fel sydd angen. I sicrhau cysondeb ac eglurdeb ar draws Cymru credwn y dylai Gweinidogion Cymru gael grym cyfarwyddo i'w ddefnyddio os yw popeth arall wedi methu. |
05 |
Rydym yn cefnogi'r amserlenni a nodir uchod ond yn cydnabod y bydd yn her i'w cyflawni. |
06 |
Rydym yn cefnogi'r amserlenni a nodir uchod ond yn cydnabod y bydd yn her i'w cyflawni. |
07 |
Rydym yn cefnogi'r amserlenni a nodir uchod ond yn cydnabod y bydd yn her i'w cyflawni. |
08 |
Deallwn y gall y cyfnod yn arwain at ddiagnosis fod yn neilltuol o anodd ar gyfer unigolion a'u teuluoedd. Mae mynediad i ddiagnosis amserol yn garreg filltir a bydd gosod disgwyliadau clir drwy gadw amserlenni at ganllawiau'r Sefydliad Cenedlaethol dros Ragoriaeth mewn Iechyd a Gofal yn gymorth. |
09 |
Rydym yn glir, ar ôl diagnosis, fod pobl angen mynediad i gymorth gynnar a byddai'n ddefnyddiol cael amseriad erbyn pryd y gellid disgwyl hynny. Byddem yn dymuno deall yn llawnach beth yw ystyr 'asesiad o anghenion gofal a chymorth' ac os yw hyn yn rhagweld asesiad gofal cymdeithasol ffurfiol ar gyfer pawb neu os y gellir dehongli hyn yn fwy eang i olygu cymorth i gael mynediad i ystod eang o fathau o gymorth a gyflwynir drwy nifer o asiantaethau. Byddem yn bryderus os mai'r disgwyliad yw fod pawb yn derbyn asesiad ffurfiol gwaith cymdeithasol ar eu hanghenion gofal a chymorth ar ddiagnosis, p'un ai oes angen hynny neu os byddai'n fuddiol; dylid cadw mewn cof anghenion a dymuniadau'r person a gaiff ei asesu. Gallai hyn o bosibl atgyfnerthu canfyddiad negyddol, gyda ffocws ar anabledd o ASD ac mae'n debygol o greu galw sylweddol ar wasanaeth gofal cymdiethasol yn hytach na chefnogi cysyniad llesiant ac annibyniaeth. |
10 |
Teimlwn ei bod yn ddefnyddiol cynnwys y rhestr o weithwyr proffesiynol a fyddai'n ffurfio rhan o'r tîm aml-ddisgyblaeth gyda'r amod na fyddai hyn yn golygu fod angen cynnwys y gweithwyr proffesiynol ar y rhestr bob tro y cynhelir asesiad diagnostig. Yn yr un modd, ni ddylai atal cynnwys arbenigwyr eraill pe byddai hynny'n fuddiol. |
11 |
Byddem hefyd yn gofyn am ychwanegu Swyddog Addysg at y rhestr. |
12 |
Ni wyddom am unrhyw amgylchiadau neu ffactorau ychwanegol. |
13 |
Yng nghyswllt y data, credwn mai'r nodwedd bwysicaf yw set data cyffredin i alluogi casglu'r un data ar draws asiantaethau. Teimlwn ei bod yn hanfodol o'r cychwyn cyntaf i lunio llinell sylfaen gyffredin. |
14 |
Nid oes gennym unrhyw sylwadau penodol ar y mathau o ddata a gaiff ei gasglu. |
15 |
Byddai'n ymddangos yn fwy priodol i nodi mathau o ddata mewn canllawiau. |
16 |
Nid oes gennym unrhyw sylwadau ar y mater yma. |
17 |
Teimlwn fod angen ymwybyddiaeth gyson yn hytrach na chylchol o anghenion pobl gyda ASD. Teimlwn y dylid targedu ymdrechion ymwybyddiaeth at deuluoedd, unigolion a gweithwyr proffesiynol. Dylid tanlinellu pwysigrwydd hyrwyddo ymwybyddiaeth awtistiaeth mewn ysgolion. Byddem hefyd yn tanlinellu pwysigrwydd hyfforddi staff sy'n ymwneud ag unrhyw agwedd o asesiad a chefnogaeth pobl gydag ASD. |
18 |
I fod yn effeithlon, credwn yn gryf y bydd angen i'r Strategaeth Awtistiaeth gael yr adnoddau priodol i weithredu ei fwriad a hefyd ei ddarpariaethau penodol. Mae'n rhaid i wasanaethau diagnostig a chymorth fod ar gael drwy gyfrfwng y Gymraeg. |
19 |
Mae Cyngor Sir Fynwy wedi ystyried cynnwys y drafft Fil ar draws nifer o'i fforymau - ei Bwyllgorau Ethol Plant a Phobl Ifanc ac Oedolion, Tîm Rheoli Adrannol Gofal Cymdeithasol ac Iechyd a gyda'i Aelod Cabinet am Ofal Cymdeithasol Oedolion. Er bod y rhan fwyaf yn cefnogi'r Bil Awtistiaeth, ei nodau a'i gyfeiriad eang, bu hefyd gydnaybddiaeth o effeithlonrwydd y trefniadau presennol a gefnogir gan gynllun gwethredu strategol diwygiedig ac addewid canllawiau. Tynnwyd sylw at y gwaith a wneir yn rhanbarthol ac yn lleol ac yn neilltuol, botensial y Gwasanaeth Awtistiaeth Integredig a lansiwyd yn ddiweddar. Gallai'r cynigion yn y drafft Fil gefnogi'r arferion effeithlon hyn ond bydd angen cynnal adolygiad rheolaeth fod adnoddau digonol yn cael eu darparu. |